NTUM-in Lunglei Pukpuia PWD Hot Mixed Plant enkawltu Muster Roll-a thawk R. Laldinliana Lunglei Police-in damdawi ina hruai ngai hial khawpa kut an thlak chu an dem

0
533
views

National Trade Union of Mizoram (NTUM)-in Lunglei Pukpuia PWD Hot Mixed Plant enkawltu Muster Roll-a thawk R. Laldinliana Lunglei Police-in damdawi ina hruai ngai hial khawpa kut an thlak chu an dem thu leh he thila mawhphurtute zawng chhuak a, hrem an phut thu an sawi. NTUM hruaitute chuan vawiin khan Aizawl Press Club-ah thuthar lakhawmtute kawmin, an member chunga kutthlak a ni chu an dem thu an puang a. An pawl President, Pu C. Remtluanga chuan, kawngpui siam \ha lo chungchanga Lunglei |halai pawl hmalakna vanga PWD hnathawk 2 man an nih \uma Sorkar hnathawk nghet zawk JE chungah engmah tih a nih loh laia thuneihna leh eiruk theihna nei ve miah lo Muster Roll chunga nasa taka kut thlak a ni chu NTUM chuan a dem hle tih sawiin he thil hi MR te hmuhsitna leh ngaihnepna nia a lan thu a sawi. Zawhna chhangin Pu C. Remtluanga chuan, rukruk leh thubuai engemaw vanga in man chu thil awm theih a nih laiin, eiruk theihna nei miah lo Hot Mixed Plant enkawltu Muster Roll hnathawk man a nih chhan hi an hriat loh thu a sawi a, thubuai chhuinaah Police lam hian thu an zawtfiah duh a nih pawhin an man hma mah mah nia an ngaih thu a sawi. NTUM President chuan, he thil thleng chungchanga Police thuchhuahin R. Laldinliana chu Police-te thuzawh a chhan \hat duh loh vanga Constable-in an vaw ta mai anga a tarlang chu hriatthiam har a tih thu sawiin, India dan puiah Police-te chu mi vuak phalna pek an ni reng em tih chu an zawhna a nih thu sawiin, he thila mawhphurtute hi man a, hrem an nih loh chuan tun hnu zela mipui himna tichhe thei a nih avangin thuneitute chu a rang lama hmalakpui turin a ngen a ni. NTUM hotute chuan, March ni 26-a MR hnathawk R. Laldinliana kutthlak a nih duh loh lantir nan hian tun thla ni 9, karleh thawh\anni hian Mizoram puma MR hnathawkten Badge dum bel chungin hna an thawk dawn tih an sawi a, tun hnu zelah MR-te hmuhsitna leh ngaihnepna ang chi reng reng chu a \ul dan a zira do let zel a nih tur thu an sawi bawk.