Mizoram leh Assam inkara Bairabi Zophaia Inner Line Forest Reserved huam chhunga dan phal loha in sak leh thil tih te Mizoram leh Assam sorkar aiawhten an endikna tur ni ruat a la ni lo

0
2513
views

Mizoram leh Assam inkara Bairabi Zophaiah leh a zawmpui hmun danga Inner Line Forest Reserved huam chhunga dan phal loha in sak leh thil tih te Mizoram leh Assam sorkar aiawhten an endikna tur ni ruat a la ni lo. Mizoram sorkar a\anga ZONET thudawn danin March ni 27-a Zophai leh a chhehvela thil awmdan Union Home Secretary, Pu Satyendra Garg-a hova State pahnih officer ten a hmuna an enfiah hnua an thil tih zel dan tur ruahman chu bawhzuiin Mizoram sorkar chuan Inner Line Forest Reserved-a dan kalha thil tih leh in sak awm nia sawi te enfiahnaa Convener leh Coordinator turin Kolasib Bawrhsap, Pu R. Zarzosanga a ruat a, amah bakah hian sorkar officer dangte pawh ruat an ni bawk. Mizoram team tur siam felna lehkha hi Assam sorkar pawh pek tawh a ni a, hetiang bawk hian Assam sorkar chuan ramri inchuh lai awmna Hailakandi leh Cachar District Bawrhsap ve ve leh Officer pawimawh dangte chu Inner Line Forest Reserved huam chhunga dan phal loha thil tih a hmuna enfiah turin a ruat ve thuai beisei a ni a, Mizoram leh Assam sorkar aiawh joint team hian tun thla ni 30 ral hma-in a hmuna thil awmdan enfiahin an thil hmuh dan chu Union Home Secretary hnenah an thehluh a ngai a ni. Thil awmdan enfiahtu tur Joint Team hi State pahniha Conservator of Forests ve ve ten an ho dawn a ni.