Vawiin a thuthar thehdarh tute Aizawl Press Club-a an kawmnaah NUTUM hotute chuan, Labour Law huaia chhawr anga lang, dinhmun ziktluak taka labour Law zawm loa kum tam tak chhawr tawh MR te Provisional Employee dinhmunah hlankai an ni dawn ta niin an sawi a, MR te hi dan mumal nei lovin kum tam tak chawr tawh an nih thu te, India ram indan hmaa chhawr tawh tun thlenga hamthatna pek lova chhawr an la nih reng thu te sawiin hei hi a chhawrtute enkawl danin zirh loh vang leh ngaihsak loh vang a ni an ti a. NTUM hotute chuan, hetiang hi an dinhmun a nih laia sorkarin ziak ngeia dan hmangin a chhawr tawh dawn nia a lang chu lawmawm an tih thu an sawi.
NTUM hotute chuan, sorkar MR ni lo mimal hnathawktu ruai, Labour dan in ti tura a tih zawm lo ten dan an zawm theih nan hma an la dawn tih an sawi a, EPF leh ESI chu mi 20 chin ruai ten an kalpui ngei tur anih laiin zawm lo tam tak an awm chu tha lo an tih thu an sawi.
