October chhungin Tuirial Hydro Electric Project hawn hman beisei

0
430
views

Kawlphetha Megawatt 60 pe chhuak thei tur, Tuirial Hydro Electric Project chu thla thar, October chhung hian hawn hman beisei a ni. Tuirial Hydro Electric Project hi nimin khan Aizawla thuthar lakhawmtu \henkhatin tlawhin, an hnathawhte an en a. Project viltu Deputy General Manager, Dr. Pradeep Saikia chuan, tunah hian khawl vuah tur pahnih zinga 1 chu vuah zawh a ni tawh thu leh pakhat pawh vuah mek a nih thu a lo hrilh a ni. Dr. Pradeep Saikia chuan, Tuirial lui khuah chu kawlphetha pek chhuahna atan bakah lawngleng hmanga inkalpawhna atan te, sangha khawina leh khualzinte hipna atan pawh hman \angkai theih a nih thu a sawi. Tuirial HEP hi cheng vaibelchhe 1,400 chuang senga siam a ni a, hun hmasa lamah hna engemaw zat thawh ni mah se, harsatna hrang hrang avangin hluihlawn a ni hman a, kum 2011 a\ang khan North Eastern Electric Power Corporation Limited (NEEPCO)-in a tharthawh leh a ni. Tuirial HEP hi kawlphetha megawatt 60 pechhuak thei tura duan a ni a, khawl pahnih, megawatt 30 ve ve pe chhuak thei tur chu bun a ni. Tuikhuahin a ram chim zau zawng chu sq. km 1,861 a ni a. He project a\anga kawlphetha pek chhuak zaa 12 chu state sorkar-in a thlawnin a chang ang a, a bak megawatt 52 pawh a lei thei dawn a ni.