Hachhek Bial fanga thawk chhuak Pu Zodintluanga hian Budget pharh turah sum hmuh dan tur engmah hriat a ni lo niin a sawi a, Budget session neih tur chu March ni 4-a tawp tur a nih avang leh, pawisa nawlpui hmuh hun tur chu March thla a nih chauh avangin thil chikmite chuan an hlauthawng a ni a ti a. Sorkar chuan Budget session-a sawiho hman loh pawisa lo kal tur an duhtawka suasam an tum niin an ngai a ni a ti bawk.
Congress Party treasurer Pu Zodintluanga hian Chief Minister thusawi apiang nuihzat tur chanin mipuiin an chang vek tawh niin a sawi a, ‘hmasawnna a sawi ang em’ tiin an chang ngai tawh lo a ni a ti a, kum khat an sawrkar chhungin nuih tur changin mipuiin an chang a, a hnuaia hnathawh hrehawm an ti ngawih ngawih tawh a ni,” a ti.
Sorkar chu mipui ngaihzawn loh chi hlira khawsaah Pu Zodintluanga hian a puh a, “Congress sawrkar pawisa dah bak, thil thar hmuh tur a awm lo niin a sawi. Congress sorkar laia khaw thlang lam kawng a chhia tia sawi \hin chu a dik tih Pu Zodintluanga hian a sawi a, hetihlai hian kawng \ha nei tur chuan an siam laiin a chhiat a ngai a, tunah chuan kawng mam \ha leh lian tak khawthlang lamin a nei ta mek a, hei hi congress sawrkar thawh rah a ni a ti bawk.
Hachhek bialtu MLA Lalrindika Ralte pawhin thu sawiin Congress party chu sawrkarna chelh leh turin a inpuahchah mek tih a sawi.
