PUC Seminar Hall-a neih, ni hnih awh tur sawi hona hi ‘National Seminar on Resuscitating Mafaa Hauhnar : Constemporary Perspective on his Essays and Poetry” tia vuah a ni a, Mizoram chhung leh pawn a\anga mithiam rual 22 in paper an buatsaih zirho a ni dawn a ni. Seminar pual hian Mafaa thuam leh thil chi hrang hrang phochhuah a ni bawk.
Sawi hona hi Health and Family Welfare Board Vice Chairman Dr. Z.R. Thiamsanga’n a hmanpui a, ziakmite chu Mizo thu leh hla hmasawnna tura hmanraw pawimawh tak an nih avangin Mizoram tan rohlu an ni tih hriat leh ngaihhlut nachang hriat an \ul tih a sawi. Dr. Zoramdinthara kaihhruai inkhawmahhian Pachhunga University College Principal Dr. Tawnenga pawhin thu a sawi a, Prof. R.L Thanmawia’n Mafaa chanchin leh a kutchhuak chungchang a sawi hawng a ni. Mafaa seminar-ah hian Pachhunga University College, Mizoram University leh ICFAI University-a literature zirlaite an tel a ni.
