Pachhunga University College-a Post Graduate course hawn thar chu vawiin khan MZU Pro Vice Chancellor, Prof. R.P. Vadhera’n a hawng.

0
1224
views

A hawnna inkhawm PUC Seminar Hall-a neih hi Principal, Dr. Tawnenga’n a kaihruai a, Prof. R.P. Vadhera chuan, Mizo zirlaite chu chhawr tlak thiamna nei turin zirna sang zawkah \anlak nasat a la ngai hle nia sawiin, PUC chu College level, a bikin Science subject-ah Mizoram tan nasa taka hmasawnna thlen tu a ni a, zirna sang lehzuala sulsutu a ni leh tur chu thil lawmawm tak a ni tih sawiin, hei hi a hlawhtlin theih nan theihtawp chhuaha \anla turin PUC-a thawktute zawng zawng a chah a ni.

Pachhunga University College hi Mizorama PG College hmasa ber a ni a, UGC in PG College ni tura a bituk chin Department 3-ah PG Course hi hawn tur niin, chungte chu Mizo, Philosophy leh Life Sciences Department a ni a. Heng Department-ahte hian thawktu awmsate bakah UGC-in Drepartment tin tan Post thar 2 \heuh lak a remti a. Class pawh tun thla a\anga kal \an tur niin, heng department tinah hian zirlai 10 \heuh an awm dawn a ni.