Literature-a Nobel Prize pek chhuah thin chu kuminah chuan pek chhuah a ni dawn lo

0
687
views

A huaihawttute lamah Mipat hmeichhiatna lam thila mualphona lian tak a thlen avangin Literature-a Nobel Prize pek chhuah \hin chu kuminah chuan pek chhuah a ni dawn lo. Nobel Prize for Literature kum tina pe chhuak \hin Swedish Academy-ah hian member pakhat pasal chu mipat hmeichhiatna thilah mawi lo taka che-a puh a ni a, he hmeichhia bakah hian Academy hotu ber leh member dang pali te chu hemi kaihhnawihah hian an lo bang tawh a ni. Academy thuchhuah tarlan danin kumina Nobel Prize dawng tur chu nakum 2019-a dawng tur puan ruala puan chhuah a ni dawn a ni. Kum 1901 a\anga sem chhuah \an anih hnuah tun \um mualphona thleng hi a nasa ber a la ni a, indopui hunlai kum 6 chhung tih loh chu kum khat chiah award pek chhuah hi a la khaih lak a, kum 1935 khan a dawng tlak hmuh zawh loh avangin pek loh a lo ni tawh bawk. Literature-ah tih loh, Nobel prize dang te erawh dan pangngaia pek chhuah a ni ang.