Aizawl-ah Mizoram Economic Conclave

0
616
views

Mizoram hmasawnna tura lo neih leh a kaihhnawih tih hmasawn dan tur leh sumdawnna lam tih hmasawn dan tur sawihona Mizoram Economic Conclave vawiin khan Aizawlah buatsaih a ni. Planning and Programme Implementation Department buatsaih Conclave hmanpuitu Chief Minister Pu Lal Thanhawla chuan, ram sum dinhmun leh ei leh bara hmasawnna chu Sokar \ha neih leh neih lohah nasa takin a innghat tih a sawi a, Mizoram chu rampumah GSDP leh per Capita income \hangchak ber pawl a ni mek niin a sawi. Pu Lal Thanhawla chuan, Private sector lamah Mizoramin hmasawn theihna remchang tam tak a nei tih a sawi a, hemi atan State pawnah Magnetic Mizoram Roadshow pawh buatsaih a nih thu a sawi a, company \henkhat pawhin Mizorama nizung chakna hmanga kawlphetha siam chhuak tura thawhpuiah sorkar an rawn sawm tih sawiin indawr mek a ni a ti. Pu Lal Thanhawla chuan mithenkhat hmasawnna hna thawh dal zawnga harsatna siam ching an awm chu \ha lo a tih thu leh a sutkian dan kawng dap a ngaih thu a sawi a, ram leh hnam hmangaih dan lanchhuah tir kawngah a huau huau zawng ni lova fing tak leh rilru fim taka ngaihtuahna sen a \ul a ni a ti. Conclave hawnna Inkhawm hi Planning Secretary Dr. C. Vanlalramsanga’n a kaihruai a, Finance Minister Pu Lalsawta’n thu a sawi a, chawhnu lamah thupui thlan sa hmangin mithiam ten thu an sawi bakah sawiho zui a ni bawk. Mizoram Economic Conclave-ah hian NEDP hnuaia Entrepreneurship Development Scheme hnuaia entrepreneur ten an thilsiam leh hmalaknate mipui hmuh theihin an pho chhuak a ni.