Parliament in pahniha MP-te an au buai leh avangin, rorel lovin inkhawm tihtawp leh a ni

Parliament in pahniha MP-te an au buai leh avangin, rorel lovin inkhawm tihtawp leh a ni. Lok Sabha inkhawmah chuan TDP leh YSR Congress MP-te bawkin Special Category-a Andhra Pradesh hlankai phutin Chairman dawhkan an pan khawm leh a, dik taka rorel an phut thu leh, sorkar laipui laka No-Confidence Motion an put luh House-in a pawm an phut thute an aupui leh a, AIADMK pawh Cauvery lui tui thuneitu tur, Cauvery Management Board din phutin an au ve leh bawk a ni. Puan tawh angin Lok Sabha-a Budget \hutkhawm \an a nih, March ni 5 a\ang khan rorel thei lovin inkhawm tihtawp a la ni reng a, vawiin hi a \um 13-na a ni tawh a, Finance Bill leh Appropriation Bill-te chu kar kalta khan sawiho lohva pawm a lo ni tawh a ni. Lok Sabha inkhawm tihbuai reng a nih avang hian vawiin khan BJP MP, Manoj Tiwari chuan Speaker Sumitra Mahajan hnenah lehkha thawnin, inkhawm tibuaitu MP-te hlawh chhawk \hen a rawt. Pu Tiwari chuan rorel inkhawm tibuaitu MP-te chu ram enkawl tur an nih thu leh, an mawhphurhna tlanchhiatsan an nih thu te a sawi a, hei vang hian an hnathawh loh ai, an hlawh chhawk \hen rawt a nih thu te a sawi bawk a ni.