Rajya Sabha inthlan hnai, party hrang hrang inpuahchah

0
226
views

Rajya Sabha seat 59 a ruah hnaih tawh avangin, party hrang hrang an inpuahchah nasa hle. Rajya Sabha-ah hian member 250 an awm a, heng zinga 12-te chu President-in \ha tih zawng a ruat-te an ni \hin a, an zing ami, lemchan thiam Rekha leh cricket khel thiam, Sachin Tendulkar leh Social Worker, Anu Aga-te chu thla thar hian an term a tawp tawh dawn a ni. Rekha leh Sachin-te hi Rajya Sabha member an nih chhungin sawisel an hlawh hle a, rorel inkhawm-a an tel \hat loh bakah Rekha chu thu pawh sawi ngai lo leh zawhna pawh zawt ngai lo a nih avangin, MP hlui, Javed Akhtar leh Samajwadi Party hruaitu, Naresh Aggarwal-te chuan bang mai se \ha zawka an hriat thu te leh, Parliament rorelna-a tel ve an phur tawk lo nia an hriat thu te pawh an lo sawi tawh a ni. Inthlan neihna pui ber tura ngaih, Uttar Pradesh-ah chuan BJP-in eptu pawlte pawh hmin tumin an be mek tih chanchinthar thehdarhtute chuan an sawi a, MP-a tling tur hian candidate pakhatin vote 37 zel an hmuh a ngai a, seat 10 zinga 8 chu BJP-te hian awlsam takin an la thei dawn a, a pakuana tur pawh lak ngei tumin, eptu party lam an be mek nia hriat a ni. Tun dinhmunah chuan BJP hian Rajya Sabha member 58 a nei mek a, an thurualpui party te nen, member 83 nei anga chhut a ni a, eptu lam aiin an tlem zawk a ni.