Sorkar sikul leh mimal enkawl sikul zawng zawngte chu pawl 11 admission la ti rih lo tur leh sorkar thupek ngaichang turin School Education dept chuan a hriattir a, zirlai nu leh pate pawh School Admission chungchangah tumah buai rih lo turin a chah a, School hawn theih hun tur leh Admission tih theih hun tur chu sorkarin a la puang chiang dawn a ni.
Sorkar School, a bikin Primary School leh Middle School-ah te erawh admission te tihfel tawh anga ngaih a ni a. Chhungkaw rokhawlhna avanga a hunlaia tifel hman lo awm theih a nih avangin, naupangten harsatna an tawh loh nan enrolment tihsak ngai an awm anih chuan social distancing kengkawh chungin a tul anga VLTF te berawna chinfel turin zirna in enkawltute hriattir an ni.
