Pawl phuahchawp hnenah dan kalhin Chanmari West-ah MLA Local Area Development Fund, Rs. 21,40,000 pe- PRISM President

0
343
views

Prism President, Pu Vanlalruata’n pawl phuahchawp hnenah dan kalhin Aizawl North III huam chhung, Chanmari West-ah MLA Local Area Development Fund, Rs. 21,40,000 pek nia sawiin, hemi chungchangah hian bialtu MLA, Pu Lal Thanzara chu man ngei tur nia an ngaih thu, vawiina an Pawl bengvar inkhawmah a sawi a. Chanmari West-a MLA LADS Fund hmanga hna thawktu, MDF tih chu Firms & Society, Co-operation leh LE&IT Department pawhin an hre lo nia sawiin, sorkar hriat loh pawl hnena pawisa p>k hi a fel lo hle niin a sawi a, MNF hun laia Aii Puk thubuai pawh kha hmanraw dawngtu nia sawi ‘Aii Puk Farming Society’ chu sorkar-a inziak lut a nih loh avanga thubuai awm ta niin a sawi. MDF in an thawh nia sawi hna hrang hrang hi Congress party mi leh sate thawh vek a nih avangin he pawl phuahchawp hi eirukna atana hmanraw pakhat niin PRISM President chuan a sawi bawk.

Chanmari West-a MLA LADS Fund hmanna dik lo nia sawi chungchangah hian Chanmari West Congress Unit 1 & II chuan Inrinni khan thuchhuah in\awm siamin, hnathawk tura thlan MDF chu kum 2009-a khatih laia Chanmari West VC hriatpuinaa siam a nih thu leh MDF chu ‘My Dear Friends Welfare’ tihna mai a nih thu an sawi a. An veng chhunga mimal \anpui ngaite chu he Agency hming hian MLA Fund hmanga hnathawh tur siamsak \hin niin an sawi a ni.