Pianphunga rual ban lo ten Polling Station-a vote an thlak ve theihna tura ruahmanna siam dan, vawiin khan Addl. CEO Pi Lalzarmawii hovin Aizawlah sawiho a ni.

0
255
views

He State Level Workshop and Sensitization on Accessible Elections for persons with Disabilities’ tihah hian Election Commission of India-in pianphunga rualbanlote tana awlsam zawka vote thlak theihna tura ruahmanna hrang hrang a siam tharte sawiho a ni.Workshop thil tum sawifiahtu, Pi Lalzarmawii chuan Democracy hmanna India ramah kum 18 tling chin pinphunga rual banlo leh vanduaina tawh vanga harsatna nei zawng zawng ten inthlanna a vote an thlak ve theihna turin ruahmanna siam sak a nih thute, chung mite chu vote thlak vek tura beisei an nih thute a sawi a, tun dinhmunah Mizoram chhungah electoral roll-ah pianphunga rual ban lo inziak lut mi 3915 an awma, hengte hi mit \ha lo 303, ri hriatna lama harsatna nei 1318, taksa che \ha thei lo, 738 leh a dang 1556 te niin a sawi a ni. He workshopah hian Deputy CEO Pu H. Lianzela pawhin thu a sawi a ni.