PIB Aizawl-in thuthar thehdarhtuten an hnathawhnaa hmasawnna an neih thei nana intuaitharna a buatsaih chu Lok Sabha member, Pu C. Lalrosanga’n a hawng.

0
326
views

He inkhawm Aijal Club-a neihah hian Pu C. Lalrosanga chuan, thuthar thehdarh kawngah chanchinbu, TV leh social media chu hmanraw \ha leh hriam ber a ni a, hei hi Mizoramah pawh a a dik zia chiang takin a lang a ni, a ti a. Sorkar laipuiin mipuite tana hma\hatna tur Scheme leh Pragramme a duante chu a chhawr \angkaitu tur mipui berin an hriat loh chuan a \angkai tur angin a \angkai tawk lo \hin a, hemi kawngah hian Union Minister leh Ministry \henkhatin Mizoram MP a nih anga mipui zirtir kawnga hma la turin an ngen tih a sawi a, hemi tihhlawhtlinga sorkar laipui hmalakna puanzar kawnga chak zawka hmalak dan tur zir hona buatsaih a ni chu a lawm hle tih a sawi.

Pu C. Lalrosanga chuan, Mizoramah sorkar laipui hmalak dan leh an hmachhawp lo enfiah a, lo chhinchhiahtu bik an awm lo chu thil \ha lo tak a ni, a ti a. Mizoram sorkar chu hemi lo enfiah a, Sorkar laipui hmalak dan lo chhinchhiahtu bik ruat tura a duh thu sawiin, sorkar laipui a\anga sum lo kal chu a hman dan a fel tawk loh chuan sum lo kal zel tur turah harsatna a awm theih avangin dik taka thil kalpui a ni theih nan hmalak dan viltu bik insiam hi a \ul hle a ni, a ti.

Chief Electoral Officer, Pu Ashish Kundra pawhin, Mizoram nihphung hrang hrang power point presentation hmangin a sawifiah a. Mizoram chu kawng tam takah \hatna lai awm bawk mah se, state dang phak lohna a la ngah avangin \anlak a \ul hle a, Sorkar laipuiin Look East Policy a duan chu a taka a hlawhtling a nih chuan a chhawr ber tur chu Mizoram a nih avangin a puitlin hun a nghahhleh awm hle tih Pu Ashish Kundra chuan a sawi.

He inkhawmah hian PIB Director General, North East changtu Pu LR. Vishwanath pawhin thu a sawi a. Chawhnu lamah Mizorama University-a Prof. Laltluangliana Khiangte-in ‘Mahatma Gandhi : Communicator and Journalist” tih paper a buatsaih te, UD&PA Jt. Director, Pi Rita Lalnunmawiia Pachuau-in ” Urban Development Scheme’ tih a buatsaih leh Mizorama University-a Asst. Prof., Pi Irene Lalruatkimi’n ‘Journalism in the age of social media’ tih paper a buatsaihte an zir ho a ni.