Police lak runpui-ah tling lo tih tlin an awm dawn lo niin Home Minister-in saw

0
517
views

Home Minister, Pu R Lalzirliana’n Mizoram Police lak runpui neih mekah tling lo tih tlin a awm dawn lo niin a sawi. Home Minister chuan District hrang hrang ten an District theuhah lak beisei mahsela, lak tur an tam loh avangin Aizawlah DIG Training, Pu C. Laldina Chairman-na hnuaiah lak mek niin a sawi a, amah pui turin 3rd Battalion Commandant, Pu Dawngliana leh leh Deputy Commandant, Pu MS Dawngkima te dah niin a sawi a, tuna Physical Test neih mekah khua a chhiat avanga tum angin thil tih theih a nih loh avangin ruahman ang vekin thil a kal thei lo niin a sawi a ni. Home Minister chuan written test result chu kumin December ni 15-ah tihchhuah hman tum a nih thu te, written test hi thla leh, November ni 1-a neih tum nimahsela, khaw awmdanin a zir loh avangin November ni 3 leh ni 4-ah neih a ni zawk dawn niin a sawi a, he Police laknaa tlingte chu nakkum January ni 15-ah training tan tir hman tum niin a sawi a ni. Tun tuma Mizoram Police laknaah hian intlar mi 25,000 an awm a, lak tur zat chu 425 a ni.