Power & Electricity Minister, Pu R. Lalzirliana’n nimin khan Buarpui khuaa 33KV Sub Station a hawng

0
469
views

Power & Electricity Minister, Pu R. Lalzirliana’n nimin khan Buarpui khuaa 33KV Sub Station a hawng. He Power Sub Station hian Buarpui khaw bakah a chhehvel khaw hrang hrang Dengsur, New Khawlek, South Khawlek, West Bungtlang leh Kawlhawk khua te eng a pe dawn a ni. Hawnna inkhawma thusawiin Pu R. Lalzirliana chuan Power Department mite chu eirukna leh hlemhletnaah fihlim tura fuihin sorkar hnathawk an ni emaw, Politician an ni emaw eiru ngamte chuan tlak an ngam tur a ni tih chu mipuite ngaihdan a ni tawh tih sawiin, hnathawktute chu hriatreng theih tur mellung an hnathawh laia phun tum turin a fuih a ni. Minister chuan ni zung chakna hmangin Vankal, Lungpher leh Sihhmuiah kawlphetha siam chhuah tum a nih thu a sawi a, heng Project te hi hlawhtling taka kalpui theih a nih chuan khaw dangah pawh chhunzawm zel tum a ni dawn niin a sawi a ni. He Sub Station hawnna inkhawma khualzahawm Pu Chalrosanga Ralte MLA leh Pu R. Vanlalvena MLA te pawhin thu an sawi a ni.