PPE leh mamawh dang Lengpui Airport lo thlen pui a ni

0
183
views



Personal Protective Equipment (PPE) set 10900, N-95 mask 10,000m infrared 200 leh shoe cover 900 Lengpui Airport lo thlenpui a ni.

Bungruate hi Delhi Mizoram House atangin zing dar 7:30 khan Delhi Airport panpui a ni a, dar 11 khan a lo chhuak a, chawhnu dar 1:30 khan Lengpui Airport a lo thleng a, truck-in thiar chhunzawm a ni ang.

State Health Minister Dr R Lalthangliana chuan mamawhte hi sorkarin a mamawh hunah chah belh zel theih a nih thu leh India hmarchhak state dangte tan pawh sorkar laipui chuan a buaipui chhunzawm zel a ni tih a sawi bawk a ni.

Bungrua lo phur tur hian a bika thlawhna thlawhtir (charter) a ngai a, a man hi cheng 16,23,000/- a ni.

Heng bakah hian Guwahati atangin PPE kit 400, Hand Sanitizer liter 1000, cap- 1000, shoe cover – 1000, non woven material – 700, surgical gown -179 chu lirthei hmanga phurh niin kalkawngah a thang mek bawk a ni.