Vawiin khan Synod Conference Centre-ah Mizoram Synod hnuaia Information and Publicity Dept. buatsaih, Group zai intihsiakna neih mek, Praise On, 2017 Third Round l<tte fuihna leh hlanna inkhawm neih a ni a, he intihsiakna Organising Committee Chairman, Pu R. Lalnuntluanga’n a kaihruai a, Rev. Remlalfaka leh Upa V.L. Muanchhana’n Contestant-te fuihna thuchah an sawi a ni. Rev. Remlalfaka chuan Pathian hi faka chawimawi tur a ni thu te, fakna thiltihtheihna te, Pathian fak tur chuan tlawm a ngaih thu leh mahni inserh thianghlim a ngaih thu te, Pathian fakna hla satute hi zaithiam ringawt ni lova Chanchin Tha hriltu an nih tih inhre turin a fuih a. Contestant-te chu inserh thianghlima sual langsar lo lakah pawh inthiarfihlim turin a chah a ni. Upa V.L. Muanchhhana chuan Pathian hi fak zel tur a nih thu te, Pathian fakna hla satute chu Pathian fakna hlaa in sawrbing turte, fakna hla an sakin a thuchah ngaih pawimawh a tulzia te hre reng turin a fuih bawk. He Group zai intihsiakna, Praise On, 2017-ah hian KTP Branch hrang hrang a\angin Group 65 an tel a, Aizawl pawn a\angin Group 16 an tel a ni. Third Round intihsiakna hi November thla tirah neih a ni ang a, he intihsiakna hi Khatla Kohhranin an thleng a ni.
