President in Award thenkhat chauh a sem dawn tih sawi a awm avangin National Film Awards dawng tura thlan 80 zetin Award semna-a tel an tum loh thu an sawi

President in Award \henkhat chauh a sem dawn tih sawi a awm avangin National Film Awards dawng tura thlan 80 zetin Award semna-a tel an tum loh thu an sawi. Tih dan phung pangngai ang lo takin zanina National Film Award pek chhuah turah President Ram Nath Kovind hian Award 11 chauh a sem chhuak dawn a, a bak zawng chu Information and broadcasting Minister Smriti Irani i’n a sem chhuak dawn nia sawi a ni. Film siam lama inhmang, award dawng turte hian President hnenah hian lehkha thawnin chawimawi phua an inhriatna aiin benghniam nia an inhriatna a lian ta zawk tih an sawi. He lehkha hian President office chu a barakhaih hle tih President Press Secretary Ashok Malik chuan a sawi a, President Kovind hian Award sem chhuahna function reng rengah darkar khat bak hun a hmang ngai lo a, hei hi tih dan phung ngheta neih mek a ni tih pawh Information and Broadcasting Ministry ah hapta tam tak liamta khan hriattir a ni tawh a ni a ti. President in Award 11 a hlan tura thlan te zingah hian Vinod Khanna leh Sridevi te pawh an tel a, anni hi an thih hnu-a chawimawina dawng tura thlan an ni.