Vaivut Thli leh ruahin Uttar Pradesh leh Rajasthan te nimin khan nasa takin a nuai a, mi 90 an thih phah

0
341
views

Vaivut Thli leh ruahin Uttar Pradesh leh Rajasthan te nimin khan nasa takin a nuai a, mi 90 an thih phah. Thlipuii hian In tam tak a tih chhiat bakah thing lian pui pui te pawh a chhem thlu a, Uttar Pradesh ah chuan mi 64 an thi a, an zinga 43 chu Agra khawpuia cheng an ni a. State \henawm Rajasthan ah pawh mitthi zat hi 31 an tling tawh a ni. Thlipui hian Delhi pawh a nuai a, thil tih chhiat lian tham erawh a nei lo a ni. Prime Minister Narendra Modi chuan vanduaina tawkte a tawrhpui thu sawiin, Central sorkar chu thlipuiin a nuai state sorkar te \anpui turin a inpeih reng tih a sawi. Thlipuiin a nuai nat ber Agra khawpuiah hian mi 43 an thi a, saharanpur ah pawh mi 2 an thih bakah Bijnore ah mi 3 an thi a, Rajasthan chhak lam bial ah mi 31 an thi a, Alwar, Dholpur leh Bharatpur te chu a nuai nat zual lai an ni a, Bharatpur District bikah mi 12 in nunna an chan a ni. Thlipui hian thing tam tak a chhem thluk avangin power pekna hrui te pawh a chhe nasa hle a, mitthi zinga tam zawk hi an chenna in chimin a delh hlum an ni. Uttar Pradesh Chief Minister Yogi Adityanath chuan officer te chu chhanchhuah hna leh chhawmdawl hna thawh dan ngawrh taka vil turin a hriattir a, Rajasthan Chief Minister Vasundhara Raje pawhin District pathum-ah chhawmdawl hna ngawrh taka thawh a ni tih a sawi a, State pahnih chief Minister te hian mitthi chhungte hnenah zangnadawmna cheng nuai 4 leh hliam tuarte hnenah cheng sing 5 zel pek a nih tur thu an puang ve ve a ni.