President Pu Ram Nath Kovind lo hmuak tur leh lo dawngsawng turin ruahmanna peih fel a ni

0
996
views

Zan khat riaka Mizorama tlawha naktuka lo zin tur, President Pu Ram Nath Kovind lo hmuak tur leh lo dawngsawng turin ruahmanna engkim peih fel a ni a, naktuk chawhnua Lengpui \umhmun a lo thlenin Larsap, Lt. Gen. Nirbhay Sharma leh CM, Pu Lal Thanhawla’n President hi an lo dawngsawng ang a, tlai dar 3-ah |huampui Helipad a pan nghal ang a, hetah hian amah lo chawimawina, Guard of Honour a awm ang. Hemi hnu hian motor-in Raj Bhavan a pan ang a, |huampui, Bawngkawn, Chaltlang, Chanmari, Zarkawt, Dawrpui, Treasury Square kawng a\angin Raj Bhavan hi a pan dawn a ni. Mizoram sorkarin ven himna lam \ha taka a ruahman avangin Aizawl Traffic SP chuan President lo thlen ni, naktuk, ni 29 zing dar 9 a\anga tlai dar 5 thleng |huampui Helipad peng leh Raj Bhavan inkar kawngah kawngpui sira motor dah a remti dawn lova, hetiang bawk hian a tuk, ni 30 zing dar 6 leh tlai dar 4 inkarah Raj Bhavan leh PC Girls School inkar, Upper Khatla kawng lamah te, Raj Bhavan leh |huampui Helipad inkar kawng sirah te motor dah khap a ni dawn bawk a ni. Motor chhia, kawng sira dahte pawh hnuk sawn vek turin Traffic SP chuan a neitute a hriattir bawk. Kawng sira motor dah a awm leh awm loh hi naktuk zing dar 9 vel a\angin Traffic Police ten an enfiah ang a, an hmuh chuan manin, an hnuk sawn dawn a ni. Naktuk chawhnua President-in |huampui Helipad a\anga Raj Bhavan a pan hma, darkar hnih vel la awmah Traffic Police duty-te chuan President kawng tibuai thei tur chi motor tlante chu an dang dawn a ni. Puan tawh angin naktuk chawhnua Aizawl lo thleng tur President, Pu Ram Nath Kovind hi Raj Bhavan-ah a thleng ang a, naktuk tlaiah Raj Bhavan Durbar Hall-ah khawpuia cheng, mi retheite tana chenna in sak, Housing Complex for Economically Weaker Section a hawng ang a, hemi hnu hian Chief Minister, Pu Lal Thanhawla’n a hmu ang a, chumi hnuah Minister dangte nen an hmu leh ang a, zanah Raj Bhavan-ah Larsap-in zanriah a buatsaihsak ang a, chutah chuan Mizo hnam lam entir a ni ang. A tuk, ni 30 zing dar 9:45-ah Mission Venga PC Girls School a tlawh ang a, chawhma dar 10-ah Raj Bhavan-ah tlawmngai pawl hruaitute leh khawtlang hruaitute a kawm leh ang a, dar 11-ah Mizoram Assembly Session-ah thu a sawi ang a, hemi hnu chawhnu lamah Aizawl chhuahsanin Nagaland a pan dawn a ni.

President-in |huampui Helipad a\anga Raj Bhavan tluang taka a pan theih nan |huampui leh Raj Bhavan inkar kawng chu PWD Highway Division III-in ngawrh takin tun hnai a\ang khan a siam \ha a, kawng chhe zual lai, |huampui leh Bawngkawn inkar chu hna hautak lai a ni a, PWD hotute hnen a\anga ZONET thu dawn danin, Bawngkawn a\anga |huampui thleng, kawng chanve lehlam chu SIPMIU-in tui pipe lian phum nan an laih chhiat avang leh tui pipe lian phum a nih hnuah muk taka hnawh a la nih loh avangin he kawng chanve lehlam chauh hi blacktop a ni. Hemi rual hian Bawngkawna Durtlang peng bula Traffic Point chhehvel leh Sairang kawng peng bula Traffic Point thlengin kawng chhuat chhe lai leh khuar laite pawh hnawh a ni a, he hna hi zaninah zawh fel hman tum a ni. Aizawl Road North Division leh Aizawl Road South Division pawhin an bial chhung ve ve-ah kawng khuar leh blacktop ngaite an buaipui mek bawk.