Prime Minister, Pu Narendra Modi-a thiltum chu India rama Congress nuaibo a ni – MNF President

0
323
views

MNF President Pu Zoramthanga chuan Dampa East MNF Block Conference, vawiina Kanghmun Community Hall-a neihah thusawiin Prime Minister, Pu Narendra Modi-a thiltum chu India rama Congress nuaibo a ni a, Chakma Autonomous District Council inthlannaa Pu Zodintluanga’n drama a siam hi Central lama an hotute chuan engti kawng mahin an pawm thei dawn lo nia sawiin, hemi chungchangah hian MNF chu a buai ve lova, a buai ber chu Congress leh BJP te an ni zawk a, North East Democratic Alliance-ah MNF leh BJP chu an thawk dun tiin Congress hian sawi \hin mahsela, CADC inthlan result a lo chhuah chuan Pu Zodintluanga hovin Congress Party chuan drama an chang ta a, Congress member thlantlin chu a tam zawk nimahsela, thuneihna chan duh vangin a tlem zawk hnuaia kun an rem ti a, hei hi Congress hruaitu tam zawk chuan \ha lo an ti niin a sawi a, he thilah hian a buai ber chu Congress an ni a, MNF Party chuan an drama chan hi a lo en rih niin a sawi a ni. Pu Zoramthanga chuan CADC-a BJP member thlan thar te leh Congress MDC thlan thar ten sorkar siam tura thutlukna an siam leh an thutlukna siam an tlangzarh tak chu Mizoram Pradesh BJP President, Prof. JV Hluna duhdan a ni lo niin a sawi a, hei hian mipui rilru a ti chiai a, hetianga ruahmanna BJP MDC ten an siam hi Central-a BJP hruaitute pawhin \ha an ti lo niin a sawi bawk. He inkhawmah hian MNF President chuan an party zawm thar te a lawmlut bawk a ni.