Prime Minister, Pu Narendra Modi hian Lungleia an party tana a campaign hnuah vawiin chawhnu khan Aizawl a lo thleng a, Aijal Club-a chawlin mi pawimawhte a kawm a, an zingah hian Mizoram NGO Coordination Committee pawh an tel a, an pawl Chairman, Pu Vanlalruata, Central YMA President ni bawk hovin tun dinhmuna Mizoram mamawhte Prime Minister hnenah hian an thlen a, chung zingah chuan Mizorama Tuikuk awmten harsatna leh enhranna tawk lovin thlamuang takin an awm thei a, hetiang bawk hian Tripura Bru Relief Camp-a Tuikawk awmte pawh Mizoramah lo letin enhranna awm lovin thlamuang takin an awm thei tho tih an tarlang a, tuna Tripura Bru Camp-a awmzuia Mizorama let duh lova chhuanlam chi hrang hrang siamtute thil tihdan chu chhuanlam tling lo a ni tih Prime Minister chu an hrilh a ni.

November 23, 2018

541

views

Hemi bakah hian Principal Secretary Home hna a chelh lai Home Ministry-a sawn tak Pu Lalnunmawia Chuaungo chu Mizoram Assembly inthlanna neih zawh hnuah Mizorama lo let leh tura an duh thu te, amah chu sorkar officer \ha leh rinawm, Mizote tan mi pawimawh a nih avangin Mizorama dinhmun sang zawk chelha a lo let leh ngei an duh thu Prime Minister hnenah chuan an thlen bawk a ni. Prime Minister hi BJP MLA candidate hote leh an party hruaituten an hmu bawk a ni.