Prime Minister’s LPG Panchayat & Ujjwala Programme IOC bul tumin buatsaih

0
320
views

BPL chhungkuaa mi hmeithai ten eirawngbawlna Gas connection a thlawna an neih theih dan tur inhrilhfiahna leh fimkhur zawka eirawngbawlna gas hman dan inzirtirna, Prime Minister’s LPG Panchayat & Ujjwala Programme chu vawiin khan India Oil Corporation bul tumin Zopuii Gas Vaivakawn chuan Zotlanga Govt. Middle School-ah a buatsaih. He inkhawma khuallian Pu Vanlalzawma MLA chuan hmeichhiate ham\hatna tura ruahmanna sorkarin a siam chu lawmawm a tih thu sawiin, mipuite him zawka gas hman dan tur zirtirna pek chu thil pawimawh niin a sawi a ni. He Scheme hnuaiah hian Zopuii Gas Agency chuan Veng hrang hranga nu 11 te hnenah a thlawnin Gas Connection a pe chhuak a, hei hi Pu Vanlalzawma MLA-in a sem a ni. Hemi bakah hian Luangmual area-a semtu Zothan Indane Gas pawhin hmeithaite tan a thlawnin gas connection a pe a, he inkhawmah hian bialtu MLA, Pu K. Sang\huama leh Mizoram Consumer Union General Secretary, Dr. Chawngsailova te pawhin thu an sawi a ni.

 

Pradhan Mantri Ujjwala Yojona Scheme hmang BPL chhungkuaa hmeithai ten eirawngbawlna Gas connection a thlawna an neih theih dan tur inhrilhfiahna vawiin khan Zothan Indane Luangmual Vengthlang bultumin YP Hall-ah hman a ni. A hmanpuitu Bialtu MLA Pu K Sang\huama chuan, miharsa zawk ten a thlawna eirawngbawlna Gas an dawn theihna tura Prime Minister in ruahmanna a siam a chu \ha a tih thu leh a dawngtuten an \angkaipui ngei a beisei thu a sawi. Pu K Sangthuama chuan, ramchhung hmun hrang hrangah eirawngbawlna Gas harsatna thawm hriat a ni loh laiin Mizoramah erawh harsatna a thleng fo chu pawi a tih thu a sawi a, heihi sorkar inthlahdah vang nia sawiin kumin Assembly inthlana thuneihna an chan chuan, sutkian a nih tur thu a sawi. He Scheme hmang hian Zothan Indane in Veng hrang hranga mi 40 vel hnenah Gas Connection a pe chhuak dawn a, lehkhapawimawh tih fel a nih hunah a dawng tur te hnenah pek a ni ang. Inkhawm kaihruaitu Zothan Indane neitu Pu Zothantluanga chuan, PMUY Scheme hmang hian Gas bur, Pipe leh Regulator te a thlawnin an dawng dawn a, Gas thuk erawhchu Susidy in an pe dawn niin a sawi. Inkhawmah hian Mizoram Consumer Union aiawh leh he Ward Councillor Pu H Zothansanga ten thu an sawi bawk.