Prism chuan Hnam sipai Martarte inhlanna hre reng chhunga huaisenna thar nei turin Mizoram sorkar chu an ngen a, tun hnaia Lailapur bula Assam Forest Department-in in an chei \hat an luah tak awmna chu Innerline Reserved Forest chhung a nih thu leh, helai hmun hi Mizoram chhung ngei a ni, an ti a. Mizoram chhung Vairengte dai leh Zophaia MZP-in in an saka Assam police-in an \hiat sak mek laia Mizoram chhungah ngei Assam sorkar-in hetianga hma a la ngam hi PRISM Party chuan an dem tak zet tih an sawi a. Tun hnaia Assam Forest Department-in in an chei \hat Mizoram sorkarin police te a \hiah tir lo hi ram an humhalh ngam loh chian zia tilangtuah an ngai a, a na an ti ngawih ngawih a ni, an ti.
Prism chuan, Mizoram hi humhalh a ngai a, hemi kawnga an hmalaknaah sorkar chu Hnam sipai ram tana nun hlantute hrechhuaka huaisenna thar nei tur leh ram humhalh tura che chhuak nghal tura an duh thu sawiin, an Party chu thuneihna changtu ni se chuan, tun thil thleng hi hmang \angkaiin Assam chu an ram china an nawr tawm vek tur thu an sawi a ni.
