Prism party-in naktuka Assembly Budget Session-a Minister pahnih, Pu Zodintluanga leh Pu KS. Thanga Department enkawlna tur Demand for Grants pharh turah dik lo a tam nia sawiin pawm tlaka an ngaih loh thu an sawi

0
233
views

Prism party-in naktuka Assembly Budget Session-a Minister pahnih, Pu Zodintluanga leh Pu KS. Thanga Department enkawlna tur Demand for Grants pharh turah dik lo a tam nia sawiin pawm tlaka an ngaih loh thu an sawi. Pu Zodintluanga enkawl Department 4 zinga Sports and Youth Services-ah Medical Treatment-a cheng nuai 30.93 aia tlem lo mamawh a nih laia Budget-ah cheng nuai 16.50 chauh dah a ni te, other charges-ah cheng nuai 413.03 aia tlem lo mamawh a nih laia cheng nuai 150 chauh dah a ni te, hnathawktute hlawh atan cheng nuai 384.35 aia tlem lo mamawh a nih laia cheng nuai 341.07 chauh dah a ni te, Public Health Engineering-ah hnathawktute hlawh atan cheng nuai 7,104 mamawh a nih laia cheng nuai 6,414.86 chauh dah a ni te, UD&PA-a thawktute hlawh atan cheng nuai 350.04 mamawh a nih laia cheng nuai 297.72 chauh dah a ni leh medical treatment-a cheng nuai 103.73 mamawh a nih laia cheng nuai 40.02 chauh dah a ni leh chhan dang tam tak avangin Pu Zodintluanga Department enkawl tana Budget siam chu a dik theih loh mai bakah mipui tan a \ha lo nia sawiin PRISM Party chuan pawm tlakah an ngai lo tih an sawi a. Hei bakah hian Pu KS. Thanga enkawl Department 3 – Agriculture; Land Resources, Soil and Water Conservation leh Irrigation and Water Resources Department tana Budget siam pawh a dik lo nasa hle nia sawiin Prism chuan, Agriculture Department tana salaries, wages leh medical treatment-a senso tur indaih lo saa dah a ni te; Sorkar kum kal mekah Grants-in-aid-General (Salary)-ah cheng nuai 841.35 dah a nih laia Budget tharah cheng nuai 420 chauh dah a ni te, Land Resources, Soil and Water Conservation Budget-ah wages, medical treatment leh domestic travel expenses atan sum indaih lo saa dah a ni leh Irrigation and Water Resources Department budget-ah pawh sum indaih lo sa tura dah a ni te chu \ha lo an tih thu leh pawm tlak nia an ngaih loh thu an sawi.