Prism Party-in sorkar laipui ruahmannaa ram chhunga mi zawng zawngin chenna tur in an neih theih nana hmalakna Pradhan Mantri Awas Yojana (PMAY) Mizorama kalpui a nih dan zirchian an tum thu an puang.

0
361
views

Prism puipate hi vawiin khan Upper Republic-a an pawl Pisa-ah an \hukhawm a, PMAY hnuaia in sakna tur \anpuina pawisa dawng si lova, chhungkaw \henkhatin in sak \anpuina an dawn avanga lawmpuina lehkha an dawng chu thil mak tak a ni a, he thilah hian thil dik tawk lo a inphum ru ngei nia a lan thu leh a dawng tura thlanin an dawng lo nia a lan thu sawiin, he thilah hian thudik hai chhuah ngei ni se an ti a. Tun hnaia AMC-in Aizawl bawlhhlawh paih dan kalphung thar dung a, mipuite bawlhhlawh \awih thei leh thei l an thlir hran tir chu mipui tan phurrit a nih thei tih sawiin, Polythene lam chi khap a nih mek laia hetianga ruahmanna kalpui zel an tum dan pawh zirchian ni se, Mizorama sorkar enkawl zirna in hrang hranga zirtirtu awm dan leh zirlai leh zirtirtu awm zat inmil lo a awm em tih pawh zirchian ni se an ti bawk. Prism hian, sorkar hmalakna hrang hrang mipuiin an hre tawk lo \hin chu \ha lo an tih thu pawh sawiin, mipui hnena sorkar hmalak dan puanzarna, Public Monitoring neih \hin ni se an duh thu an sawi bawk.

Prism puipate \hukhawm hian an Party-in chak zawka hma an lak theih nan Committee peng hrang hranga mawhphurhna chang turte an ruat fel a, chungte chu

Campaign Committee, Media Wing leh Reserch & Education niin, heng committee hrang hrangah hian Chairman leh Secretary an ruat nghal a ni.