Prism Party-in thuneihna a chang a nih chuan ram sum leh pai dinhmun siamtha tura sorkar suih tet nan leh eizawnna thar siam nan Privatization uar a nih tur thu an pawl President-in a sawi

0
213
views

Prism Party-in thuneihna a chang a nih chuan ram sum leh pai dinhmun siam\ha tura sorkar suih tet nan leh eizawnna thar siam nan Privatization uar a nih tur thu an pawl President, Pu Vanlalruata’n a sawi a. Hemi atana hmalaknaah Aizawl Vanapa Hall chu mimal kutah hlan a nih tur thu a sawi. Vawiina Upper Republic-a an Party chhung inkhawmah he thu hi sawiin Pu Vanlalruata chuan, Vanapa Hall enkawlna atana sorkar-in kumtin sum a hloh \hin chu \ha lo an tih thu sawiin mimal kuta hlan a nih chuan hloh lovin sorkar-in a hlawkna a tel thei tawh zawk dawn niin a sawi a. State hrang hranga Mizoram House pawh tun aia hlawk zawka hman \angkai theih a ni a, Mizoram pawn khawpui 7 – Delhi, Kolkata, Mumbai, Bangalore, Guwahati, Shillong leh Silchar-a Mizoram House enkawl nan kum tin cheng nuai 1,300 vel sen a nih laiin cheng nuai 300 vel chauh hmuh let a ni a ti a. Hei bakah hian Aizawl, Lunglei, Siaha leh Lawngtlaia Circuit House leh Guest House enkawl nan kum khata cheng nuai 260 chuang sen a ni a, hei hi mi tlemte chauhvin an chhawr \angkai avangin kum khatah cheng nuai 20 vel bak sum a lalut lo a, enfiah a \ul hle tih Pu Vanlalruata chuan a sawi.