Kumin kum tawpa Assembly inthlanpui neih tur atana campaing-a thang mek Pu Vanlalruata hian nizan khan Champhai District-a Khawbung khuaa vantlang inkhawmah thu a sawi a, intodelh lo tan kut dawh mai loh chu hmabak a awm lo tih sawiin, Mizoram chu intodelh lo ber State a ni mek a, hei hi Kristianna nen pawh a inmil lova, siam\hat vat a ngai a ni a ti. Pu Vanlalruata chuan, an sorkar a nih huan chaw a tana rinpui ber buha intodelh hmasa tura \an lak a nih tur thu a sawi a, kum tin buhfai leina atana maktaduai tel sum sen \hin chu tihtawp a ngai niin a sawi a ni.
Prism President chuan tun hi mipui tan duhthlanna hun a ni tih sawiin, mipuite chu duh thlang sual tawh lo turin a ngen a, sum tam tak nena inlei tlin tuma rawn thawkchhuak an awm a nih pawhin an rilru ngaihtuahna seng thiam turin a ngen a, pawisaa lei theih nia inngai chu inleitir mai turin a chah a ni.
