Prism President, Pu Vanlalruata’n Mizoram chu eiruk awm lohna rama siam duh apiang an thawhpui thei tih a sawi

0
300
views

Prism President, Pu Vanlalruata’n Mizoram chu eiruk awm lohna rama siam duh apiang an thawhpui thei tih a sawi. He thu hi vawiina Serchhip-a thuthar lakhawmtute a kawmnaah sawiin, Mizoram chu ram nuam zawk leh hmasawn zawka siam duh a piang an thawhpui thei tih a sawi a ni. Pu Vanlalruata chuan, an party-in thuneihna a chang a nih chuan, District Development Committee chu awmze neia kalpui a nih tur thu leh Assembly bial tinah bialtu MLA te chairman-a hmangin Constituency Development Committee din a nih tur thu a sawi a, tuna MLA tina an bial tihhmasawn nana Local Area Development Fund chu MLA te thu thua dah tawh lovin Committee thuluknaa hman a nih tawh tur thu leh MLA ten an bial chhungah office an neih vek tur thu a sawi. Prism President chuan, thuneihna sem zaiin Village Council hnenah Panchayati Raj System-a thuneihna an neih ang pek a nih tur thu leh Panchayati Raj System-a awm lo 2nd Class Magistrate thuneihna tlukpui VC hnena pek a nih tur thu pawh a sawi a. Hengte bakah hian Serchhip District hmasawnna tur ruahmanna hrang hrang an siamte a tarlang bawk.