Prism President, Pu Vanlalruata’n tun hnaia ZPM nen thawh ho theih dan zawnga an inbiak chungchangah an ni lam chu thawk ho tura an inpeih thu leh tunah hian ZPM lam thu an ngaihchan mek thu vawiina thuthar lakhawmtute a kawmnaah a sawi.

0
300
views

 

Zawhna chhangin Pu Vanlalruata chuan, ZPM nena thawk dun tur hian nasa taka an inphah hniam thu sawiin, Candidate 10 bak an hauh lova, lo sorkar ta pawh ni se Minister neih kher an tum lo niin a sawi.

Puan tawh angin PRISM leh ZPM hotute chu tun thla ni 1 khan Assembly inthlanpui lo awm tura thawhho theih dan zawngin an lo inbe tawh a ni. Prism President, Pu Vanlalruata chuan, Mizoramin inthlanpui a hmachhawn mai tura Party hrang hrang candidate tur chu chiang taka puan la ni lo mah se, candidate ni thei awmte chu an zirchian vek tawh thu leh heng mite hian nomination an file hunah a dik lova affidavit siam tum lo se an duh thu a sawi a. Candidate zingah a dik lova affidavit an awm chuan candidate an nihna a\anga paih an nih theih nan hma an la dawn tih a sawi bawk.