Prism thalaiin Covid 19 hri leng vanga State dang sorkar-te an mipuite tan an luanchhuah mek laia Mizoramah erawh Sorkar zawk tanpui ngaia a awm chu lungchhiatthlak an tih thu an sawi.

0
46
views

Thuchhuah an siamah Prism thalai hian, vawiin thlenga mipui mimir chawmdawl zawnga Mizoram sorkar-in ke a la pen ve lo chu pawi an tih thu an sawi a. Hetihrual hian Sorkar chu mimal, tlawmngai pawl leh kohhran phenah mualpho chhe lutuk lova a awm thei hlauh chu a vannei hle zawk nia an hriat thu an sawi a, Finance changtu Chief Minister, Pu Zoramthanga’n, “Kan Budget hi cheng vaibelchhe sing chuang a ni hrim hrim a. Kan duh chuan kan kang thei a, kan chhum thei a, kan bai thei bawk” a lo ti tawh chu tun hun hi a taka hman hun nia an hriat thu an sawi. Prism thalai hian, COVID 19 avangin hmasawnna hnathawh kal pui hleih theih a ni lo tih an sawi a, inhlawhfa te tan inhlawhna tur a awm mang lo a, sumdawng te’n an dawr an hawn hleih theih loh lai anih bawk avangin tun hi State budget, a taka ei hun dik tak a ni an ti a, tun ang hun harsaah lo hian engtikah nge budget hi sorkar-in mipui hnena hlui a tum tih chu an zawhna a nih thu an sawi a, inkharkhip karah sorkar chu Zoram mipuite thleng phak tanpuina sem chhuak thuai turin an phut tih an sawi.