Pu KS Thanga Minister of State atan la lut

0
309
views

Aizawl South III bialtu MLA, Pu KS Thanga chu Minister of State atan lak luh a ni a. Vawiin tlai dar 3 khan Raj Bhavan, Multi Purpose Hall-a inkhawmah Larsap, Lt. Gen. Nirbhay Sharma-a’n rinawmna thu tiamtirin a la lut a ni.

Puan tawh \hin angin, Labour Employment and Industrial Training Minister, Pu Lalrinmawia Ralte leh Youth Commission Chairman, Pu T. Sangkunga chu Kolkata-a Nalanda Institute of Advaned Studies-a zirlai 32 tirh an nih chungchang leh Labour Welfare Board sum hmanna dik lo nia sawi chungchanga amawhphurtu a puh an nih avangin kumin Februaryni 24 khan an bang a, kumin vek, August ni 21 khan Minister of State, Dr. BD Chakma chuan, Mizoram Quota-a damdawi lam zirna tur thlan danah a lungawi loh avangin banna a thehlut ve leh a, Minister pahnih-in banna an thehluh hnuah hun eng emaw chen, Minister thar lak luh belh am nih loh hnuah CM thurawn angin Pu KS Thanga hi vawiin khan Minister of State atan lak luh a ni ta a ni. Pu KS Thanga hi Parliamentary Secretary 7, August ni 30-a bang tate zinga mi kha a ni a, vawiina lak luhna inkhawmah hian CM bakah Minister dangte, MLA leh sorkar hotute bakah sawm bik mi tlemte an tel a ni.