Pu PC Zoram Sangliana MLA in Kolasib Project Venga MUP Building leh Gosen Special School, MLA Local Area Development Fund vawiin khan a hawng

0
521
views

Pu PC Zoram Sangliana MLA in Kolasib Project Venga MUP Building leh Gosen Special School, MLA Local Area Development Fund vawiin khan a hawng.

Kolasib Project Veng thova MHIP Building MLA Local Area Development Fund thova sak pawh MHIP Vice President, Pi Lalthlamuani’n vawiin khan a hawng. MUP Building leh Kolasib MHIP Sub Hqrs. building sak nan hian MLA Fund a\angin Rs. 6,50,000/- hman a ni a, Gosen Special School sak nan Rs. 5,06,000/- hman a ni. He School building hi a dung feet 40, a vang feet 26 a ni a, zirlai naupang 21 an awm a ni. Pu PC Zoram Sangliana hian vawiin vek khan NEDP sum Rs. 15,00,000/- senga Project Venga YMA Hall sakna tur lung a phum bawk a ni. MUP building hawnna inkhawma thusawiin Pu PC Zoram Sangliana chuan khawtlang hruaitute chu englai pawha \anpui ngaite \anpui turin a chah a, in a hawn tak te chu a mamawhtu apiangin inthlahrung lova an hman theih tur nise a duh thu sawiin, amah pawhin mipuite rawngbawl kawngah theihtawp chhuah chhunzawm zel a tum thu a sawi bawk a ni.

Pu PC Zoram Sangliana hi Sub Hqrs. YMA, Sub Hqrs. MHIP, Sub Hqrs. MUP hruaitute leh Kolasib Project Veng VC ten an \awiawm a ni.