School Education Minister Pu Lalchhandama Ralte hova Mizoram Independent School Association, (MISA), MZP, MSU leh School Education Department hotute vawiina thukhawmin he thutlukna hi an siam a ni.
Hri leng vang mitinin harsatna an tawh lai a nih avangin mi harsa school fee pe thei lo an awm pawhin ngaihnatthiamna pe tur leh fee awl tir thleng pawha hmala turin Kohhran leh mimal Zirna In te chu ngen an ni a. Thutkhawmna kaihruaitu Education Minister Pu Lalchhandama Ralte chuan, hri leng avangin khawvel ram dang ang bawkin Mizoram pawhin harsatna a tawk a, kum danga school tanhun pangngaiah zirna in pawh hawn theih lohin a awm a, ram leh chhungkaw tin sum leh pai dinhmun a khawih a ni a ti a, zirna in zawng zawngte pawh hriatthiamna thui tak neia kal turin a sawm a ni.
An rorel hi zirna in neituten an zawm vek a beisei thu leh zawm lo an awm chuan School Education department-in hma a lak tur thu Education Minister hian a sawi.
