Rajasthan Health Minister kawngsira a zun vangin sawisel hlawh

0
382
views

Rajasthan Health Minister, Kalicharan Saraf chu kawngsira a zun vangin sawisel a hlawh hle a, sorkar laipui timualpho-ah puh a ni. State Congress hruaitu, Raghu Sharma chuan Saraf hi a chet dan mawi lo tak vanga vantlang hmaa thupha chawi turin a phut a, state sorkar leh sorkar laipui nasa takin a timualpho nia an hriat thu a sawi. An party Vice-President, Archana Sharma pawhin an state Minister hetianga a khawsa hi zahthlak hle nia a hriat thu leh Saraf hian tunhma pawhin hetiang hi a lo tih thin tawh thu te a sawi bawk a ni. Jaipur Municipal Corporation-in Swachh Bharat Abhiyan hnathawh runpui an neih mek lai a nih vangin Saraf hian sawisel a hlawh leh zual a ni.