Rajasthan sorkarin Bikaner khawpuia ram hralh chungchanga thil dik lo awm nia sawi chhui a rawtna chu CBI-in a bawhzui tan, thubuaiah hian Robert Vadra pawh inhnamhnawih

0
413
views

Rajasthan sorkarin Bikaner khawpuia ram hralh chungchanga thil dik lo awm nia sawi chhui a rawtna chu CBI-in a bawhzui tan ta a, vawiin khan thubuai 18 a chhui tan a, he thilah hian Congress President, Sonia Gandhi-i makpa, sumdawng, Robert Vadra-a pawh a inhnamhnawih nia hriat a ni. CBI thupuangtu sawi danin, heng thubuaite hi Bikaner-a sipaite’n silai kah zir nana an hman thin, Mahajan Field Firing Range, dik lo taka hralh leh lei a nih dan nen a inkungkaih a, CBI hnena Rajasthan sorkar-in rawtna a siam hnu khan, state Home Minister, Gulab Chand Kataria chuan FIR 18 zinga 4 chu Vadra-a company, Sky Light Hospitality laka siam niin a sawi a, heng hi he company-in hming lem hmanga ram, bigha 1,400 a leina nena kaihhnawih vek niin a sawi bawk. Rajasthan Congress President, Sachin Pilot-a chuan he state-a rorel lai, BJP kaihhruai sorkar chu CBI, Enforcement Directorate leh pawl dang hmanga Congress tihhmingchhiat tumah a puh a ni.