Rajya Puraskar Award sem chhuak

0
810
views

Bharat Scouts and Guides chawimawina sang, Rajya Puraskar Award chu vawiin khan Raj Bhavan Multipurpose Hall-ah semchhuah a ni. Scouts 52 leh Guides 58 te hnenah Rajya Puraskar Certificate hlan a ni a, Mizoram Larsap, Mizoram Bharat Scouts & Guides Patron nibawk Lt. Gen. Nirbhay Sharma chuan Bharat Scouts & Guides hmalakna chawi nung zel turin kalkhawmte a chah a, Mizoramah kum 3 dawn lai a awm tawh chhungin Mizo thalaite thiam thil leh an theihna a hmuh thu sawiin, an tum ram an thlen ngei theih nan \hatlai hun uluk taka hmang turin \halaite a chah a ni. He inkhawm hi Sports & Youth Services Director, Bharat Scouts & Guides State Chief Commissioner nibawk Pu Zothanmawia’n a kaihhruai a, kum kalta chhungin Scouts 5 leh Guides 22 ten Rashtrapati Award an dawn thu sawiin, Scouts 74 leh Guides 102 ten Rajya Puraskar Award an dawng a. Scouts 232 leh Guides 294 te’n Tritiya Sopan Testing Camp an paltlang a. Scouts 3 leh Guides 1 te’n Himalayan Wood Badge Training Nagaland ah an neih thu leh Swachh Bharat Abhiyan hnuaiah Unit 85-te’n faina hnatlang leh thing phun beihpui an thlak thu a sawi. Tun dinhmunah Mizoram-a Scouts 600 leh Guides 922 ten Rajya Puraskar Award an dawng tawh a ni.