A hmanpuitu Social Welfare Minister Dr. K. Beichhua chuan, rulhut laka naupang leh zirlaite an fihlim theih nan Sorkar laipuiin kum 2015 atang khan National Deworming Day hi a kalpui tih a sawi a, hei hi rulhut pai vanga natna hrang hrang thleng thei thisen tlakchhamnate leh naupang \han \hu te um bona tura hmalakna a nih thu a sawi. Dr. K Beichhua chuan, nikum August thlaa rulhut hlo ei runpui buatsaih a nih khan naupang sikul kai leh kai lo zaa 96.76 te chu rulhut ho pek a nih thu a sawi a, tun \uma rulhut hlo pek runpui buatsaih pawh hi nu leh pa ten ngaipawimawh tura a duh thu sawiin an fate eithei an neih chuan ei tir vek tur leh thawktute pawh ei thei chinte an pek kim theih nan theihtawp chhuah turin a chah a ni.
He inkhawmah hian rulhut laka him theina chungchang leh natna a thlen thei dan te mithiam ten a lem nen entirin an zirtir a, rulhut pai lo turin kut silfai \hat te, thlai leh thei eitur silfai \hat te, tui thianghlim chauh in te, ek In \ha leh thianghlim taka in thiar te, eitur khuh that te, in leh a vel vawn fai te leh pheikhawk bun a pawimawh thu te an sawi a ni.
