Ram chhunga State hrang hranga Congress Party behchhan zirlai pawl, National Student of India(NSUI) hruaitute chu tun hnai khan New Delhi-ah an inhmukhawm a, kumina Lok Sabha inthlanpui neih tura hmalak dan tur leh tunhnaia India leh Pakistan inkar boruak an thlir ho.

He intawhkhawmnaah hian Mizorama NSUI President, Pu RB. Lalmalsawma leh Vice President, Pu Benjamin Lalnghaka Fanai pawh an tel a ni. He intawhkhawmnaa thusawitu All India NSUI President, Neeraj Kundal chuan, BJP kaihhruai sorkar laipuiin Citizenship (Amenment) Bill, 2016 kalpui a tum hmarchhak bial mipuiten duh lova, an dodal chu AICC President, Rahul Gandhi hova an hriatpui thu sawiin, he Bill hi hmarchhak bial mipuite tan a him loh avangin tihtawp a nih theih nan kumina Lok Sabha inthlanpui neih turah BJP kaihhruai Sorkar paih thlaa Rahul Gandhi kaihhruai Sorkar thar a din theih nan hmarchhak bial mipuite chu an \anrual a \ul hle tih a sawi a ni.