Airlines te chu Thawhleh zan dar 11:59-a an thlawhna te a \umna tur hmuna \um tir vek turin sorkar laipui chuan a hriattir a, bungraw phur thlawhna te chauh thlawh phal a ni dawn a ni.
Sorkar laipui chuan State 19 leh union territory-ah a pumhluma inkharkhipna khauh taka kalpui nghal a nih thu leh state 6-ah pawh \ul bik thil tih lohah chuan inkharkhipna thupek kalpui turin a ngen bawk.
Covid-19 leng mek vangin Guwahati a\anga bus-a lo haw thar zawng zawngte chu sorkar buatsaih inkhung hranna, quarantine facility-ah dah phawt an ni zel tawh dawn a. Heng Mizorama lo lut thar te dinhmun kimchang, an zin kual dan te District Level Task Force in an enfiah vek ang a, an hawna tur veng \heuha Local/Village Level Task Foce te nen inbe tawnin, an chenna inah inkhung hranna tur an nei em tih endik hmasak a ni ang a, chutianga inkhung hranna nei te chauh chu quarantine facility an chhuahsan phalsak an ni tawh dawn a ni.
