Ram inrelbawlna leh khawtlang inrelbawlnaah hmeichiaten dinhmun pawimawh zawk an chelh ve theih dan tur sawihona ni 2 awh tur Aizawlah tan a ni.

0
409
views

 

National Seminar on Participation of Women in Governance and Politics at Local and State tia vuah sawihona hmanpuitu Finance Minister Pu Lalsawta chuan Parliament in ram danpui a siam \hat zulzuiin, Municipal Corporation, Local Council leh Village Council inthlanah te hmeichhia te tan kawng zau zawka hawn a ni a ti a, hmeichhia ten politics an luhchilh dawnin mipa aiin harsatna an tawk tam a, anmahni chawikanga an thlavang hauh chu mipa te mawhphurhna a ni a ti.

Indian Institute of Public Administration-Mizoram Regional Branch, UGC-Women’s Studies Centre, leh Department of Public Administration, Mizoram University \anghote buatsaih sawihona hi Prof. C.Lalkima’n a kaihruai a, Indian Institute of Public Administration-Mizoram Regional Branch Secretary Prof. Lalneihzovi, Planning Secretary, Dr. C.Vanlalramsanga, Prof. Lianzela leh Dr. Lalthanpuii ten thu an sawi bawk.