Doctor-te hian National Medical Council Bill, 2017, Indian Medical Council (Amendments) Bill, 2018 leh Consumer Protection Bill, 2018 chu tihhlawhtlin loh an duh a, heng Bill 3-te hi damlo leh mi harsa zawkte tan sum tam tak sen belhna a nih dawn avangte, medical doctor zir tur te leh zir mek te tan harsatna nasa siamtu a nih theih dawn avang leh Doctor ten damlo an enkawl kawngah harsatna tam tak a thlen thei dawn nia a lan avangin heng Bill 3 hi a taka tihhlawhtlin a nih loh nan India ram puma Doctor zawng zawngin he dan thar hi hman a nih loh nan Badge dum bel chungin hna an thawk a ni.
Indian Medical Association Mizoram State Branch hruaitute chuan vawiin khan Rajya Sabha member, Pu Ronald Sapa Tlau hmunin he Bill an duh loh lantirna Memorandum an thehlut a, Parliament rorel inkhawmah he Bill hi paih a nih ngei theih nan a theih ang anga \an lakpui turin an sawm nghal a ni.
