He ni pual hian Larsap, Pu Kummaman Rajashekharan chuan, Kolkata Mizoram House tuala inkhawmtawi neihah hnam pa, Mahatma Gandhi limah zahna lantir nan pangpar a dah a ni. Martarte Ni hi hnam pa, Gandhi thihcham January ni 30-ah kum tin hman\hin a ni a, Larsap chuan, Mizoram mipuite chu Hnam pa, Mahatma Gandhi duhdan leh suangtuahna anga remna leh muanna a awm zel theih nana hmala chhunzawm zel turin a chah a ni. Martarte ni puala inkhawm tawi Kolkata Mizoram House tuala neih-ah hian Kolkata Mizoram House Additional Resident Commissioner, Pu Lalsangliana leh a thawhpuite bakah Mizoram House-a thleng khualzinte an tel a ni.
Aizawlah chuan Martarte ni pual hian chawhm dar 11 khan Siren tih rik a ni a, Siren tih rik a\anga minute 2 chhung lirthei che vel zawng zawng tih din niin, Sorkar hnathawkte pawhin minute 2 chhung ngawi rengin an hnathawh laite an chawlhsan a ni.
