ZONET thudawn danin Core Committee hi nimin khan an chairman, Chief Secrtary Pu Lalnunmawia Chuaungo hovin CS Conference room-ah an \hukhawm a, Bairabi Zophai hmuna Mosolman Biakin sakna chu Forest Reserve Area a nih thu te, state pahnihin kut thlak loh tawn tawn tura tihna hmun a nih thu te sawilan a ni a, Mosolman Biakin sakna hmun chu Mizoram chhung a nih avang leh Forest Reserve Area, anih bawk avangin Mosolman Biak in sak mek chu Mizoram Forest Department-in ti tawp nghal turin hriattir se, heti chunga hmalakna a awm lo a ni chuan Home Minister ho a sawiho in police lam leh forest department \angkawpin Mosolman Biak In thiah a nih theih nan hmala se an ti a ni. Mosolman Biak In sakna tur hian National Highway kawngpui lai takah thuziak tarin Biak In sakna tur Donation lirthei kal te hnen atanga an khawn thu leh hei hi dan kalh a nih thu pawh sawilan a ni bawk.
|hutkhawmnaah hian, Mizoram-Assam ramri chungchang a lehkha pawimawh neih tawh leh la neih loh te lakhawmin chiang zawka zir nawn leh an rel a, Core Committee \hutkhawm leh huna report hman turin hmalak nise an ti bawk.
