Vawiina Aizawl Press Club-a thuthar thehdarhtute an kawmnaah MZP President Pu L Ramdinliana Renthlei chuan, Bairabi Zophai a, Mizoram Chief Minister hmasa ber Pu Ch. Chhunga leilet-a Zofate chawlhbuk an sak, Assam Police leh Assam Forest Department ten reilote chhunga a thiah theih lai leh a hnu a sak leh tuma kal zirlaite leh Media miten kutthlak leh Silaia kah an tawh laiin, tunhnaia Vairengte khawdaia Sipai Cinema hall hlui Assam Forest ten sa \ha a office-a an luah nghal thei chu an hrethiam thei lo tih a sawi.
Tun thla ni 12 ral hmaa Assam Forest dept te chhuahtir tura Mizoram sorkar an ngenna a hlawhchham tih MZP President chuan a sawi a, Assam Forest dept te an chhuah tir loh anih pawhin vawiin ral hma-a Bairabi Zophai hmuna Zofate chawlhbuk sa ve tura an ngenna pawh a hlawh chham leh bawk tih a sawi a, hei vang hian ruahmanna an lo siam lawk tawh angin ‘Ram chhan kawng zawh’ hi an nei dawn ta tih a sawi.
Pu L Ramdinliana Renthlei chuan, nikum a bairabi Zophaia hma an lakna avangin Sorkar laipui pawh auh ei a ni tih a sawi a, Sorkar laipui kaihhruaiin Inner Line Reserve Forest Area, mel 509 biala zau chhunga dan loa awm Building leh huan leh ram te an endik \umin Phaisen bulah Mizoram leh Assam aiawh te thu a inhmuh tak loh avangin tun thlengin chhunzawm a ni ta lo a ni a ti.
Pu L Ramdinliana Renthlei hian, ramri chungchang ngaihtuahtu tura sorkarin a din Core Committee chu vawiin khan an \hukhawm tih a sawi a, hetah hian hmathar lak tumna an hriat loh thu leh an thil phut tun thlenga tihhlawhtlin a nih loh chhan pawh an sawi theih loh avangin kawngzawh lo tura an ngenna pawh an tihlawhtling thei ta bik lo tih a sawi.
Hetihlai hian Core Committee thutkhawm hmasa lamah MZP chu ramri chungchanga lehkhapawimawh te lakhawm tura an tih angin an hmuh ang te pawh an thehlut vek tawh a, hmalakna a awm chuang lo tih Pu L Ramdinliana Renthlei hian a sawi a, kawng zawhin awmzia a neih loh chuan sorkar an nawr zel dan tur an la rel leh dawn tih a sawi bawk.
