Aizawl Wild Life Division-a Dy. Conservator Of Forest Pu C. Lalbiaka chuan, Saza kap lai Video, social media a darh hi an bawhzui nghal tih a sawi a, Police te punin, CID Crime lam te nen a theih ang angin a titu hi man chhuah tumin hma an la a ni a ti a, Chief Secretary pawhin a ngai thutka hle a hma la nghal turin a rawn hrilh nghal tih a sawi.
Pu C Lalbiaka chuan, Saza chu Mizoram state animal a nih angin kutthlaktute hrem theihna pawh a na hle tih a sawi a, kum 3 lung In tan theihna leh cheng sing 2 sang 5 thlenga chawitira hrem theih an nih thu a sawi a, an kahna hmun hi Wild Life Sanctuary chhung a ni phei chuan kum 7 lung In tan emaw cheng nuai 50 thlenga chawi theih a nih thu a sawi.
