Rangvamual Local Level Task Force hi Hunthar veng a\anga an veng luh \antirhnaah zing dar 7 a\anga zan lam dar 8 thleng khauh takin an Duty \hin a. An khawtlang hruaitute chuan, chhuanlam ho te te hmanga zu la tura kal nitin mi engemawzat an awm \hin tih an sawi a, phalna neia kal chhuakte zingah zu hawn tum \hahnem tak an man tawh tih an sawi a, nikhata zu um 150 lai man \um pawh an nei tih an sawi.
Rangvamual khawtlang hruaitute chuan, an veng chu zu tamna hmun ni mah se, tun dinhmunah chuan an inkhuahkhirh thei nia an hriat thu leh an zu man tam zawk chu Phunchawng lam a\anga lak nia an hriat thu an sawi a, veng dang mite chu an veng paltlanga zu la tura kal tawh lo tura an duh thu an sawi a ni.
Rangvamual LTF hruaitute chuan, an Duty tirh khan Sapzu man an nei fo tih an sawi a, tun hnuah erawh chuan rakzu bak man tur a awm tawh meuh lo tih an sawi. An veng paltlang tumte zingah feh tura insawi an awm \hin a, heng mite hi a tam zawk chu phalna nei lo an nih avangin feh tur reng reng chuan an awmna Local Task Force a\ang-in phalna mumal tak nei thei se an duh tih an sawi.
