Mara rama chanchin\ha hril hmasa bertu, Rev. RA Lorrain-a tunu, Rev. Violet Louise Annie Mark chu stroke vangin Aizawl Civil Hospital-ah enkawl mek a ni a, vawiin khan kum 80 a tling a, Evangelical Church of Maraland Kohhran mite chuan vawiin a pianchamphaah khan duhsakna hlanin a \hat chhuah leh thuai theih nan an \awng\aisak a ni. Mara ramah hian Lakher Pioneer Mission Missionary hmasa ber Rev. Reginald Arthur Lorrain chuan a nupui, Moud Louise Ullander Lorrain nen kum 1907 khan Pathian thu hril turin Mara ram an thleng a, Serkawrah awmhmun khuarin Pathian thu an hril a, fanu pakhat, Marquirite Lorrain, a Mara hminga Tlosa tia vuah an nei a, Tlosa hian Sap ram a\anga anmahni pui tura lo kal Albert Bruce Foxell chu pasalah a nei a, fa pakhat an neih chu Rev. Violet Louise Annie Mark hi a ni a, Pi Violet hian pasal atan kum 1968-ah Rev. L. Mark a nei a, an chhungkua hian Mara ram chhuahsan lovin Pathian rawngbawl hna an la thawk zui zel a, Rev. Violet Louise Annie Mark pi leh pu bakah a nu leh pa te pawh Mara ramah an thih ni thlengin Pathian rawngbawlin an awm a ni.
